Mere Humkhuwab , Mere Hosh Ke Humdum,Mere Dost Shairy Khuwab Nahi Hai Keh Jise Dekhny Ko

میرے ہمخواب، مرے ہوش کے ہمدم، مرے دوست
شاعری خواب نہیں ہے کہ جسے دیکھنے کو
گہرے اندھیرے میں سوچوں کی ضیا چاہیے ہو
تخلیہ چاہیے ہو
Mere Humkhuwab , Mere Hosh Ke Humdum,Mere Dost
Shairy Khuwab Nahi Hai Keh Jise Dekhny Ko
Gehre Andhere Mein Sochon Ki Zia Chahiye Ho
Takhalia Chahiye Ho
میرے ہمشکل، مری شکل کے محرم، مرے دوست
شاعری چہرہ نہیں ہے کہ جسے ڈھوندنے کو
کوئی بت، کوئی صنم، کوئی خدا چاہیے ہو
آئینہ چاہیے ہو

میرے ہمزاد، مری روح کے محرم، مرے دوست
شاعری جسم نہیں ہے کہ جسے کھوجنے کو
دل جواں اور بزرگوں کی دعا چاہیے ہو
تجربہ چاہیے ہو

شاعری شکل نہیں ہے جو کسی کو نہ ملے
شاعری بھید نہیں ہے جو کسی پر نہ کھلے
شاعری رنگ نہیں ایسا جو پوشیدہ ہو
شاعری زنگ ہے ایسا جو جہاں دیدہ ہو
ایک مہکار جو دو نیم نہیں کی جاتی
شاعری ضو ہے جو تقسیم نہیں کی جاتی

میرے ہم عصر، مرے رنج کے واقف، مرے دوست
شاعری خواب نہیں ہے جو کسی پر نہ کھلے
یہ حقیقت ہے جو تسلیم نہیں کی جاتی

حرفِ خاموش سے تصدیق مگر پاتی ہے
شاعری جی نہیں جاتی ہے تو مر جاتی ہے
عمار اقبال
Aamar Iqbal