Mery Chamak Damak Ab Jphary Ko Yaad Nahi Main Woh Guhar Hon Jo Apni LaRy Ko Yaad Nahi

مِری چمک دمک اب جوہری کو یاد نہیں
مَیں وہ گُہر ہوں جو اپنی لڑی کو یاد نہیں
Mery Chamak Damak Ab Jphary Ko Yaad Nahi
Main Woh Guhar Hon Jo Apni LaRy Ko Yaad Nahi
ذرا بھی ہاتھ بٹاتی نہیں ہے گِریہ میں
مِرا ہی غم مِری افسردگی کو یاد نہیں

کھڑے ہیں مدرسۂ ہست میں خجِل کب ﺳﮯ
نجانے کیسا سبق تھا کسی کو یاد نہیں

خُوشی تڑپتی ہے بے طرح دل کے صحرا میں
کہاں سے لایا ہوں اِس جل پری کو، یاد نہیں

وہ دھیمی چاپ، وہ دستک، وہ دُھول، وہ آنسو
مکاں کو یاد ہے سب کُچھ گلی کو یاد نہیں

کھنڈر کھنڈر پہ بھٹکتی ہے لڑکھڑاتی ہوئی
ہمارے گھر کا پتہ روشنی کو یاد نہیں

گُھماتی رہتی ہیں بس یوں ہی سُوئیاں شارِقؔ
اب اصل وقت کسی بھی گھڑی کو یاد نہیں
سعید شارقؔ
Saeed Shariq