Qaseeda Goi Ka Koi Rawaj Tha Hi Nahi Keh Ibteda Mein Kisi Sar Peh Taj Tha Hi Nahi

قصیدہ گوئی کا کوئی رواج تھا ہی نہیں
کہ ابتدا میں کسی سر پہ تاج تھا ہی نہیں
Qaseeda Goi Ka Koi Rawaj Tha Hi Nahi
Keh Ibteda Mein Kisi Sar Peh Taj Tha Hi Nahi
تمہارا شوقِ مسیحائی جان لے کے رہا
تمہارے بس میں ہمارا علاج تھا ہی نہیں

ہر ایک خانۂ دل کو الٹ پلٹ دیکھا
جو کل تلک تھا اسی میں، وہ آج تھا ہی نہیں

بٹھا دیا تھا جسے تخت پر مشیروں نے
تھا اس کا راج مگر اس کا راج تھا ہی نہیں

اسی لیے تو لگائے نہ لگ سکا یہ دل
جہاں میں کوئی مرا ہم مزاج تھا ہی نہیں

خراج دینا پڑا اس قدر کسانوں کو
کہ ان کے اپنے گھروں میں اناج تھا ہی نہیں

نہ ہاتھ پیلے ہوئے اُس کے اِس لیے جاوید
غریب شخص کی بیٹی کا داج تھا ہی نہیں
جاوید جدون
Javed Jadoon