Yeh Daur Fasoon Saaz Kamal Ast Zabardast Bas Hirs o Hous Ka Hai Yahan Gasht Zabardast

یہ دور ِفسوں ساز کمال است زبردست
بس حرص و ہوس کا ہے یہاں گشت، زبردست
Yeh Daur Fasoon Saaz Kamal Ast Zabardast
Bas Hirs o Hous Ka Hai Yahan Gasht Zabardast
سب پیر مغاں رند بھی اُس چشم کے صدقے
مَئے خود بھی اسے دیکھ کے ہے مَست، زبردست

اک جیسا ہی انسان بنایا ہے سبھی کو
اعلی ہے یہاں پر، نہ کوئی پست، زبردست

کیا خوب ہے مہمان کی مہمان نوازی
اک زہر ہَلاہِل سے بھرا طشت، زبردست

احباب کے لہجے پہ میں حیران ہوں لیکن
کچھ کہہ نہیں پاؤں گا سرِ دست، زبردست

جیون ہے کہ اک حشر کا میدان ہے گویا
ہر سمت بپا شور و فغاں ہست، زبردست

یہ زیست کے رستے بھی ہیں اک جبر مسلسل
ہیں خار، کہیں سنگ، کہیں دشت زبردست
تفسِیرعبَّاس بابر
Tafseer Abas Babar