Zulf Ke Sanwarny Mein Der Kitni Lagty Hai Aadmi Ke Marny Mein Der Kitny Lagty Hai
زلف کے سنورنے میں دیر کتنی لگتی ہے
آدمی کے مرنے میں دیر کتنی لگتی ہے
Zulf Ke Sanwarny Mein Der Kitni Lagty Hai
Aadmi Ke Marny Mein Der Kitny Lagty Hai
آنکھ سے بھلا دل کا فاصلہ ہی کتنا ہے
سیڑھیاں اترنے میں دیر کتنی لگتی ہے
پتھروں پہ چلتا ہوں کانچ کا بدن لے کر
کرچیاں بکھرنے میں دیر کتنی لگتی ہے
ہے دعا یہی میری بد دعا سے بچ جاؤ
آہ سرد بھرنے میں دیر کتنی لگتی ہے
دفعتاً سرک جانا چہرے سے نقاب اس کا
چاند کے ابھرنے میں دیر کتنی لگتی ہے
پھول سی جوانی ہے شوخیاں نہیں اچھی
پتیاں بکھرنے میں دیر کتنی لگتی ہے
وہ نصیرؔ میرا تھا آج رات سے پہلے
رات کے گزرنے میں دیر کتنی لگتی ہے
نصیر بلوچ
Naseer Baloch
Comments
Post a Comment