Wo Shakhs K Main Jis Se Mohabbat Nahi Karta

 

Poet Qateel Shifai

 

Wo Shakhs K Main Jis Se Mohabbat Nahi Karta,

Hansta Hai Mujhe Dekh K Nafrat Nahi Karta,

Ghar Walon Ko Ghaflat Pe Sabhi Kous Rahe Hain,

Choron Ko Magar Koi Malamat Nahi Karta,

Dete Hain Ujale Mere Sajdon Ki Gawahi,

Main Chup K Andheron Mein Ibadat Nahi Karta,

Bhoola Nahi Aaj Bhi Main Aadab-e-Jawani,

Mein Aaj Bhi Auron Ko Naseehat Nahi Karta,

Dunia Mein Qateel Us Sa Munafiq Nahi Koi,

Jo Zulm To Sehta Hai Baghawat Nahi Karta........!