Kisi Kali Ne Bhi Dekha Na Aankh Bhar K Mujhe, Guzar Gai Jars-e-Gul Udas Kar K Mujhe,

 

Poet Nasir Kazmi

 

Kisi Kali Ne Bhi Dekha Na Aankh Bhar K Mujhe,

Guzar Gai Jars-e-Gul Udas Kar K Mujhe,

Main So Raha Tha Kisi Yad K Shabistan Mein,

Jaga K Chor Gaye Qafile Shahar K Mujhe,

Main Ro Raha Tha Muqadar Ki Sakhat Rahon Mein,

Ura K Le Gia Jado Teri Nazar Ka Mujhe,

Main Teri Dard Ki Tugh Yanio Mein Doob Gia,

Pukarte Rahe Tare Ubhar Ubhar K Mujhe,

Tere Firaq Ki Ratain Kabhi Na Bhulain Gay,

Maze Mile Inhi Raton Mein Umar Bhar K Mujhe,

Yara Si Deir Theharne De Aaye Gham-E-Dunia,

Bula Raha Hai Koi Baam Se Utar K Mujhe,

Phir Aaj Aai Thi Ek Mouj-E-Hawa-E-Tarab,

Suna Gai Hai Fasane Idhar Udhar K Mujhe...........!