Wo Dil Nawaz Hai Nazar Shanas Nahi, Mera Ilaj Mere Charagar K Pas Nahi,

 

Poet Nasir Kazmi

 

Wo Dil Nawaz Hai Nazar Shanas Nahi,

Mera Ilaj Mere Charagar K Pas Nahi,

Tarap Rahi Hain Zaban Par Kai Sawal Magar,

Mere Liye Koi Shayan-E-Iltamas Nahi,

Tere Ujalon Mein Bhi Dil Kaanp Uthta Hai,

Mere Mizaj Ko Asudagi Bhi Raas Nahi,

Kabhi Kabhi Jo Tere Qurb Mein Guzre Thay,

Ab Un Dino Ka Tasavar Bhi Mere Pas Nahi,

Guzar Rahi Hain Ajab Marhalon Se Deeda-O-Dil,

Sahar Ki Aas To Hai Zindagi Ki Aas Nahi,

Mujhe Ye Dar Hai K Teri Aarzo Na Mit Jaye,

Bahut Dino Se Tabiat Meri Udas Nahi.................!