Suna Hai Log Usay Aankh Bhar K Dekhte Hain

 

Poet Ahmad Faraz 

 

Suna Hai Log Use Aankh Bhar K Dekhte Hain,

So Us K Shehr Mein Kuch Din Thehr K Dekhte Hain,

Suna Hai Rabt Hai Us Ko Kharab Haalon Se,

So Apne Ap Ko Barbaad Kar K Dekhte Hain,

Suna Hai Dard Ki Gahek Hai Chashm-e-Naaz Us ki,

So Hum Bhi Us ki Gali Se Guzar K Dekhte Hain,

Suna Hai Us ko Bhi Hai Shairo Shaairi Se Shughf,

So Hum Bhi Muajze Apne Hunar K Dekhte Hain,

Suna Hai Bole To Baton Se Phool Jharte Hain,

Ye Bat Hai To Chalo Bat Kar K Dekhte Hain,

Suna Hai Rat Usay Chand Takta Rehta Hai,

Sitare Baam-e-Falak Se Utar K Dekhte Hain,

Suna Hai Din Ko Titlian Usay Satati Hain,

Suna Hai Rat Ko Jugno Thehr K Dekhte Hain,

Suna Hai Hashar Hain Us ki Ghazal Si Aankhain,

Suna Hai Us ko Hairan Dashat Bhar K Dekhte Hain,

Suna Hai Rat Se Barh Kar Hai Kaklian Us Ki,

Suna Hai Sham Ko Saye Guzar K Dekhte Hain,

Suna Hai Us Ki Seh Chashmgi Qayamat Hai,

So Us ko Surma Farosh Aah Bhar K Dekhte Hain,

Suna Hai Us K Labon Se Gulab Jalte Hain,

So Hum Bahar Pe Ilzam Dhar K Dekhte Hain,

Suna Hai Aina Tamsal Hai Jabeen Us ki,

Jo Sada Dil Hain Usay Ban Sanvar K Dekhte Hain,

Suna Hai Jab Se Hamail Hain Us ki Gardan Mein,

Mizaj Aur Hi Laal-o-Gohar K Dekhte Hain,

Suna Hai Chashm-e- Tassavur Se Dasht-e-Imkan Mein,

Palang Zaviye Us ki Kamar K Dekhte Hain,

Suna Hai Us K Badan Ki Tarash Aisi Hai,

Ke Phool Apni Qubain Kutar K Dekhte Hain,

Wo Sarou Qad Hai Magar Begul-e-Murad Nahi,

Ke Us Shajar Pe Shagoofe Samar K Dekhte Hain,

Bs Ek Nigah Se Lutta Hai Qafla Dil Ka,

So Rehrvan-e-Tamanna Bhi Dar K Dekhte Hain,

Suna Hai Us K Shabstan Se Mutissal Hai Bahishat,

Makeen Udhar K Bhi Jalwe Idhar K Dekhte Hain,

Ruke To Gardshain Us ka Tawaf Karti Hain,

Chale To Us ko Zamane Thehar K Dekhte Hain

Kise Naseeb Ke Bepairahan Usay Daikhe,

Kabhi Kabhi Dar-o-Deewar Ghar K Dekhte Hain,

Kahanian Hi Sehi Sab Mubalghe Hi Sehi,

Agar Wo Khawab Hai Tabeer Kar K Dekhte Hain,

Ab Us K Shehr Mein Thehrain K Kooch Kar Jain?

FARAZ Aao Satare Safar K Dekhte Hain.............................!