Milte Hi Khud Ko Aap Se Wabasta Keh Dia

 

 

Poet Murtaza Barlaas (Amroha) 

 

Milte Hi Khud Ko Aap Se Wabasta Keh Dia,

Mehsoos Jo Kia Wohi Barjasta Keh Dia,

Main Chup Howa To Zakham Mere Bolne Lage,

Sab Kuch Zaban-E-Haal Se Lab Basta Keh Dia,

Khorasheed Subh-E-Nao Ko Shikayat Hai Dosto,

Kion Shab Se Hum Ne Subha Ko Piowasta Keh Dia,

Chalta Raha To Dasht Noordi Ka Tanz Tha,

Tehra Zara To Aap Ne Pabasta Keh Dia,

Dekha To Aik Aag Ka Daria Tha Mojzan,

Is Daor-E-Nasaza Ne Jise Rasta Keh Dia,

Dekhi Gai Na Aap Ki Aazirda Khatri,

Kante Mile To Un Ko Bhi Guldasta Keh Dia..........................!