Wo Ada-e-Dilbari Ho K Nawa-E-Aashqana

 

 

Poet Jigar Muradabadi 

 

Wo Ada-e-Dilbari Ho K Nawa-E-Aashqana,

Jo Dilon Ko Fatha Kar Le Wohi Fath-E-Zamana,

Kabhi Husn Ki Tabiat Na Badal Saka Zamana,

Wohi Naz-E-Beniazi Wohi Shan-E-Khusrowana,

Main Hon Is Maqam Par Ab K Firaq-O-Wasal Kaise,

Mera Ishq Bhi Kahani Tera Husn Bhi Fasana,

Meri Zindagi To Guzri Teri Hijar K Sahare,

Meri Mout Ko Bhi Pyare Koi Chahiye Bahana,

Tere Ishq Ki Karamat Ye Agar Nahi To Kia Hai,

Kabhi Beadab Na Guzra Mere Pas Se Zamana,

Teri Doori-O-Hazoori Ka Hai Ajeeb Aalam,

Abhi Zindagi Haqeeqat Abhi Zindagi Fasana,

Main Wo Saf Hi Na Keh Don Jo Hai Farq Mujh Mein Tujh Mein,

Tera Dard Dard-E-Tanha Mera Gham Gham-E-Zaman,

Tere Dil K Tootne Par Hai Kisi Ko Naz Kia Kia,

Tujhe Aye JIGAR Mubarik Ye Shikast-E-Fathhana.............!