Suna Hai Janglon Ka Bhi Koi Dastoor Hota Hai

 

 

Poetess Parveen Shakir 

 

Suna Hai Sheir Ka Jab Pait Bhar Jaye,

To Wo Hamla Nahi Karta,

Suna Hai Jab Kisi Nadi K Pani Mein,

Bue K Ghoonsle Ka Gandami Saya,

Larazta Hai To Nadi Ki Ro Pehli Machilan,

Us Ko Parosi Maan Leti Hain Hava K,

Taiz Jhonke Jab Darakhton Ko Hilaate Hain,

To Meena Apne Ghar Ko Bhool Kar,

Kave K Andon Ko Paron Mein Thaam Leti Hai,

Suna Hai Ghonsle Se Jab Koi Bacha Gire,

To Sara Jangal Jag Jata Hai,

Nadi Mein Bar Aa Jaye Koi Pul Toot Jaye,

To Kisi Lakri K Takhte Par Gulahri,

Sanp Cheeta Aur Bakri Sath Hote Hain,

Suna Hai Janglon Ka Bhi Koi Dastoor Hota Hai,

Khuda Wanda Jaleel-o-Moatbar,

Dana-o-Beena Munsif-O-Akbar,

Humhare Shahar Mein Ab

Janglon Ka Hi,

Koi Dastoor Nafiz Kar...............!