Is Sham Wo Rukhsat Ka Samaan Yad Rahe Ga, Wo Shehr Wo Koocha Wo Makaan Yad Rahe Ga,

Poet Ibn-E-Insha
Is Sham Wo Rukhsat Ka Samaan Yad Rahe Ga,
Wo Shehr Wo Koocha Wo Makaan Yad Rahe Ga,
Wo Tais K Ubhri Thi Idhar Yad Rahe Gi,
Wo Dard K Utha Tha Yahan Yad Rahe Ga,
Hum Shoq K Shole Ki Lapak Bhool Bhi Jain,
Wo Shamma Fasurda Ka Dhowan Yad Rahe Ga,
Han Bazm-E-Shabana Mein Hama Shoq Jo Us Din,
Hum Thay Teri Janib Nigraan Yad Rahe Ga,
Kuch Meer K Abiat Thay Kuch Faiz K Misre,
Ek Dard Ka Tha Jin Mein Bayan Yad Rahe Ga,
Aankhon Mein Sulagti Hoi Wehshat K Jalo Mein,
Wo Hairat-O-Hasrat Ka Jahan Yad Rahe Ga,
Jaan Bakhsh Si Us Barg Gul Tar Ki Tarawat,
Wo Lams Azeez-E-Do Jahan Yad Rahe Ga,
Hum Bhool Sake Hain Na Tujhe Bhool Sakein Gay,
Too Yad Rahe Ga Humain Han Yad Rahe Ga................!