Mujhe Aisa Lutf Ata Kia Jo Na Hijar Tha Na Wisal Tha

 

Poet Mohsin Naqvi 

 

Mujhe Aisa Lutf Ata Kia Jo Na Hijar Tha Na Wisal Tha,

Mere Mosamo K Mijaz Daan,

Tujhe Mera Kitna Khayal Tha,

Kisi Aur Chehre Ko Dekh Kar,

Teri Shakl Zehan Mein Aa Gain,

Tera Naam Le K Mila Usay,

Mere Hafze Ka Ye Haal Tha,

Kabhi Mosamo K Sarab Mein,

Kabhi Baam-o-Dar K Azab Mein,

Wahan Umar Hum Ne Guzar Di,

Jahan Sans Lena Muhal Tha,

Kabhi Too Ne Ghor Nahi Kia,

K Ye Log Kaise Ujar Gaye?

Koi Mere Jaisa Girafta Dil,

Tere Samne Ki Misal Tha,

Tere Baad Koi Nahi Mila,

Jo Ye Haal Dekh K Poochta,

MOHSIN

Mujhe Kis Ki Aag Jhulsa Gai?

Mere Dil Ko Kis Ka Malal Tha,

Kahein Khoon-e-Dil Se Likha To Tha,

Tere Saal-e-Hijar Ka Aaina,

Wo Adhoori Daire Kho Gaye,

Wo Na Jane Kon Sa Saal Tha.................!