Wo Rat Ka Benawa Musafir Wo Teri Shayari Wo Tera NASIR Teri Gali Tak

 

Poet Nasir Kazmi

 

Gaye Dinon Ka Suragh Le Kar,

Kidhar Se Aaya Kidhar Gia Wo,

Ajeeb Manoos Ajnabi Tha,

Mujhe To Hairan Kar Gia Wo,

Khushi Ki Rat Ho K Gham Ka Mosam,

Nazar Usay Dhoondti Hai Har Dam,

Wo Boo-E-Gul Tha K Naghma-E-Jan,

Mere To Dil Mein Utar Gia Wo,

Wo Maikade Ko Jagane Wala,

Wo Rat Ki Neend Urane Wala,

Ye Aaj Kia Us K Jee Mein Aai K,

Shaam Hote Hi Ghar Gia Wo,

Wo Jis K Kandhon Pe Hath Rakh Kar,

Safar Kia Too Ne Manzalon Ka,

Teri Gali Se Najane Koin Aaj,

Sar Jhukaye Guzar Gia Wo,

Wo Rat Ka Benawa Musafir,

Wo Teri Shayari Wo Tera Nasir,

Teri Gali Tak To Hum Ne Dekha Tha,

Phir Na Jane Kidhar Gia Wo.