Bandh Lein Hath Pe Seene Pe Saja Lein Tum Ko

 

Poet Wasi Shah 

 

Bandh Lein Hath Pe Seene Pe Saja Lein Tum Ko,

Jee Mein Aata Hai K Taveez Bana Lein Tum Ko,

Phir Tumhain Roz Sanwarein Tumain Bharta Dekhein,

Kion Na Angan Mein Chanbeli Sa Laga Lein Tum Ko,

Jaise Baghon Mein Koi Phool Chuna Karta Hai,

Ghar K Guldan Mein Phoolon Sa Saja Lein Tum Ko,

Kia Ajab Khuwaishain Uthti Hain Hamare Dil Mein,

Kar K Munna Sa Hawaon Mein Uchalein Tum Ko,

Is Qadar Toot K Tum Pe Hamain Pyaar Ata Hai,

Apni Bahno Mein Bharein Maar Hi Dalein Tum Ko,

Hai Tumare Liye Kuch Aisi Aqeedat Dil Mein,

Apne Hathon Mein Duaon Sa Utha Lein Tum Ko,

Jan Dene Ki Ijazat Bhi Nahi Dete Ho,

Warna Mar Jain Abhi Mar K Mana Lein Tum Ko,

Ab To Bas Ek Hi Khuwaish Hai Kisi Mor Pe Tum,

Hum Ko Bikhre Howay Mil Jao Shanbalein Tum Ko...