Jazbat Zeir-E-Gardish-E-Halaat So Gaye

 

Poet Wasif Ali Wasif 

 

Jazbat Zeir-E-Gardish-E-Halaat So Gaye,

Chaai Ghata To Rind-E-Kharabat So Gaye,

Manzal Se Door Jagti Sochein Thein Zehn Mein,

Manzal Pe Aa Gaye To Khayalat So Gaye,

Taaron Ne Hum Ko Dekh K Shabnam Se Ye Kaha,

Ye Bad Naseeb Waqt-E-Manajaat So Gaye,

Kia Dil Gadaz Mosam Gul Ka Tha Intazar,

Fasl-E-Bahar Aai To Naghmat So Gaye,

Aankhon Mein Hum Ne Kaat Di Sham-E-Gham-E-Firaq,

Aaya Koi Jo Behr-E-Mulaqat So Gaye,

Ek Khawab K Siwa Hai Ye Hasti Tamam Khawab,

Aai Hai Jin K Zehn Mein Ye Bat So Gaye,

Aaya Jo Waqt Marka-E-Haq-O-Kufar Ka,

Kion Sahiban-E-Kashaf-O-Karamaat So Gaye................!

Page 179