Jo Meri Aankhon Se Khawab Dekho To Ek Shab Na So Sake

 

Poet Wasi Shah 

 

Jo Meri Aankhon Se Khawab Dekho,

To Aik Shab Na So Sako Gay,

K Laak Chaho Na Hans Sako Gay,

Hazar Chaho Na Ro Sako Gay,

K Khawab Kia Hain Azab Hain Ye,

Mere Dukhon Ki Kitab Hain Ye,

Rafaqatein In Mein Chootti Hain,

Mohabbatein In Roothti Hain,

Panpati Hain In Mein Wehshatein Si,

Aziatein In Mein Phoot'ti Hain,

Inhi K Dar Se Khizan Hain Jazbe,

Inhi Se Shakhein Si Tootti Hain,

Ghamon Ki Bandish Hain Khaawab Mere,

Dukhon Ki Barish Hain Khawab Mere,

Ubal Raha Hai Dukhon Ka Lawa,

Raheen Aatish Hain Khawab Mere,

Khayal Sare Jhuls Gaye,

Sulagti Khawahish Hain Khawab Mere,

Ukharti Sansein Hain Zindagi Ki,

Laho Ki Sazish Hain Khawab Mere,

Jo Meri Aankhon Se Khawab Dekho,

To Aik Shab Bhi Na So Sako Gay............!

Page 13 To 14