Lutf Wo Ishq Main Paye Hain K Jee Janta Hai

 

 

Poet Dagh Dehlvi 

 

Lutf Wo Ishq Main Paye Hain K Jee Janta Hai,

Ranj Bhi Aise Uthaye Hain K Jee Janta Hai,

Jo Zamaane K Sitam Hain Wo Zamane Jane,

Too Ne Dil Itne Sataye Hain K Jee Janta Hai,

Muskuratay Howay Wo Majmaa-e-Aghyar K Sath,

Aaj Youn Bazm Mein Aaye Hain K Jee Janta Hai,

Kaba-o-Dair Mein Pathra Gain Dono Aankhain,

Aise Jalwe Nazar Aaye Hain K Jee Janta Hai,

Dosti Mein Teri Dar Parda Humare Dushman,

Is Qadar Apne Paraye Hain K Jee Janta Hai,

Daagh-e-Warafta Ko Hum Aaj Tere Kooche Se,

Is Tarah Khainch K Laye Hain Ke Jee Janta Hai...........!