Dil Dharakny Pe Bhi Pabandi Laga Di Jaye Laash Ehsaas Ki Sooli Pe Charha Di Jaye

 

 

Poet: Shahzad Qais

 

Dil Dharakny Pe Bhi Pabandi Laga Di Jaye

Laash Ehsaas Ki Sooli Pe Charha Di Jaye

Zeyhn Ki Jaama Talashi Ka Bna Kr Qanoon

Sochnay Walon Ko Moqay Pe Saza Di Jaye

Aarzoo Jo Karay Deewano Main Kr Do Shamil

Khawab Jo Daikhay Usay Jail Dikha Di Jaye

Jaan Bachanay Ka Patangon Ki Bahana Kr Ky

Shama Jalnay Say Bhi Kuch Pehly Bojha Di Jaye

Roaz Khud Soziyon Say Uththti Hai Hum Par Uungli

 KhudKushi Jo Kary Gardan Hi Urra Di Jaye

Rah Batlanay , Madad Karnay Ki Aadat Na Parray

 Rasta Poochnay Pe Qaid Barrha Di Jaye

Log Khushbo Ky Taaqub Main Nekal Parrtay Hain

Phool Par Daikhtay Hi Goli Chala Di Jaye

Saans Lainay Kay Bhi Oqaat Moqarar Kr Ky

Ha'bss Dar Ha'bss Ko Dowzakh Ki Hawa Di Jaye

Kaam Tehreer Mitanay Ka Buhat Barhnay Laga

 

 Naaray Likhay Hon Tu Deevar Gera Di Jaye

Jabray Haalaat Say Har Shakhs Ko Majno Kr Ky

Bhiirr Main Qais Ki Aawaaz Daba Di Jaye

 

===============

Nomi's Collection's

===============