HIJAR: Is Main Shamil Dasht-o-Sahra Aor Veerany Ki Baat Ahl e Mehfil Se Juda Hai Tere Deewanay Ki Baat

Is Main Shamil Dasht-o-Sahra Aor Veerany Ki Baat Ahl e Mehfil Se Juda Hai Tere Deewanay Ki Baat

Is Main Shamil Dasht-o-Sahra Aor Veerany Ki Baat

Ahl e Mehfil Se Juda Hai Tere Deewanay Ki Baat

Muhtasib Hum Be-Gunahon Ko Na De Ilzaam e Mai

Tishnagi Mein Aa Gai Honton Pe Maikhane Ki Baat

Haan Abhi Bhooli Nahi Jor e Khizaan Ki Dastaan

Ikhteyatan Hum Nahi Karte Bahaar Aane Ki Baat

Ban Gai Hai Surkhi e Husn e Bahaar Javedaan

Aa Gai Zulf e Mua'amber K Bikhar Jane Ki Baat

Har Nafs Mein Shoula-Zan Hain Garmiyan Halaat K

Zindagi Hai Inn Dinon Be-Mout Mar Jane Ki Baat

Maikada Badla Hoa "SAGHAR" Shikasta Haal Hai

Har Haqeeqat Ban Gai Hai Aaj Afsane Ki Baat

Saghar Siddiqui

No comments:

Post a Comment

Subscribe to: Post Comments (Atom)