Socha Nahi Acha Bura Dekha Suna Kuch Bhi Nahi

 

Poet Basheer Badar 

 

Socha Nahi Acha Bura Dekha Suna Kuch Bhi Nahi,

Manga Khuda Se Rat Din Tere Siwa,

Kuch Bhi Nahi,

Dekha Tujhe Socha Tujhe,

Chaha Tujhe Pooja Tujhe,

Meri Khata Meri Wafa,

Teri Khata Kuch Bhi Nahi,

Jis Par Humari Aankh Ne,

Moti Bichaye Rat Bhar,

Bheja Wohi Kaghaz Tujhe,

Hum Ne Likha Kuch Bhi Nahi,

Ek Sham Ki Dehleez Par,

Baithe Rahe Wo Deir Tak,

Aankhon Se Ki Batein Bahut,

Hum Ne Kaha Kuch Bhi Nahi..................!