Khali Hai Abhi Jaam Main Kuch Soch Raha Hon

 

Poet Abdul Hameed Addam

 

Khali Hai Abhi Jaam Main Kuch Soch Raha Hon,

Aye Gardish-E-Ayam Main Kuch Soch Raha Hon,

Saqi Tujhe Ek Thori Si Takleef To Ho Gi,

Saghar Ko Zara Thaam Main Kuch Soch Raha Hon,

Pehle Bari Raghbat Thi Tere Naam Se Mujh Ko,

Ab Sun K Tera Naam Main Kuch Raha Hon,

Adraak Abhi Poora Ta'awon Nahi Karta,

De Bada-E-Gulfam Main Kuch Soch Raha Hon,

Hal Kuch To Nikal Aaye Ga Halaat Ki Zid Ka,

Aye Kasrat-E-Aalaam Main Kuch Soch Raha Hon,

Phir Aaj ADDAM Sham Se Ghamgeen Hai Tabiat,

Phir Aaj Sar-E-Sham Main Kuch Soch Raha Hon..........!

Page 47,48