Ashq aankhon main chupate huwe thak jata hon

 

Poet Mohsin Naqvi

Ashq aankhon main chupate huwe thak jata hon,

Bojh paani ka uthate huwe thak jata hun,

Paaon rakhte hain jo mujh par unhain ehsaas nahin,

Main nishanaat mittate huwe thak jata hun,

Barf aisi ke pigalti nahin paani ban kar,

Payaas aisi ke bhujaate huwe thak jata hun,

Achi lagti nahin is darja shanasai,

Haath haathon main milate huwe thak jata hun,

Gham_gusaari bhi ajab kaar_e_muhabat hai k main,

Roone walon ko hansaate huwe thak jata hun

Itni qabrain na banao mere andar "Mohsin",

Main charaaghon ko jalaate huwe thak jata hun....