Hawa Ko Likhna Jo Aa Gia Hai Ab Us Ki Marzi Wo Khizan Ko Bahar Likh De

 

Poetess Noshi Gilani 

 

Hawa Ko Likhna Jo Aa Gia Hai

Ab Us Ki Marzi Wo Khizan Ko Bahar Likh De,

Bahaar Ko Intazar Likh De,

Safar Ki Khawahish Wehmo K Azab Se Humkinar Likh De,

Wafa K Raston Pe Chalne Walon Ki,

Qismaton Mein Ghubar Likh De,

Hawa Ko Likhna Jo Aa Gia,

Hawa Ki Marzi K Wasl Mosam Mein,

HIJJAR Ko Hisa Daar Likh De,

Mohabbaton Mein Guzarne Wali Ruton Ko,

Na Paidar Likh De,

Shajar Ko Kam Saya Daar Likh De,

Hawa Ko Likhna Jo Aa Gia Hai,

Ab Us Ki Marzi K Wo Humare Diye Bajha Kar,

Shabon Ko Ba Akhtiar Kar K Sahar Ko Be Itbar Likh De,

Hawa Ko Likhna Sikhane Walo,

Hawa Ko Likhna Jo Aa Gia Hai...............!

Page 39,40