Us K Hathon Se Jo Khushbo-E-Hina Aati Hai

 

Poetess Noshi Gilani 

 

Us K Hathon Se Jo Khushbo-E-Hina Aati Hai,

Aisa Lagta Hai K Janat Se Hawa Aati Hai,

Choomne Dar Ko Kis Dhaj Se Chala Hai Koi,

Aaj Kis Naaz Se Maqtal Mein Qaza Aati Hai,

Na Kabhi Koi Kare Tujh Se Tere Jaise Salook,

Hath Uthte Hi Yehi Lab Pe Dua Aati Hai,

Tere Gham Ko Ye Bar Hana Nahi Rehne Deti,

Meri Aankhon Pe Jo Ashkon Ki Rida Aati Hai,

Us K Chehre Ki Tamazat Bhi Hai Shamil Is Mein,

Aaj Tapti Hoi Sawan Ki Ghata Aati Hai,

Ghoomne Jab Bhi Tere Shehr Mein Jati Hai Wafa,

Bain Karti Hoi Wapas Wo Sada Aati Hai,

Hai Wohi Bat Har Ek Lab Pe Bahut Aam Yahan,

Hum Se Jo Kehte Howay Un Ko Haya Aati Hai...