Aye Jazba-E-Dil Gar Main Chahon Har Cheez Muqabil Aa Jaye

 

Singer Fareeda Khanam 

 

Aye Jazba-E-Dil Gar Main Chahon,

Har Cheez Muqabil Aa Jaye,

Manzil K Liye Do Gaam Chalon,

Aur Samne Manzil Aa Jaye,

Aye Dil Ki Khalish Chal Youn Hi Sahi,

Chalta To Hon Un Ki Mehfil Mein,

Us Waqt Mujhe Chonka Dena,

Jab Rang Pai Mehfil Aa Jaye,

Aye Rahbar-E-Kamil Chalne Ko,

Taiyar To Hon Par Yad Rahe,

Us Waqt Mujhe Bhatka Dena,

Jab Samne Manzil Aa Jaye,

Haan Yad Mujhe Tum Kar Lena,

Awaz Mujhe Tum De Lena,

Is Rahe Mohobbat Mein Koi,

Darpaish Jo Mushkil Aa Jaye,

Aye Jazba-E-Dil Gar Main Chahon,

Har Cheez Muqabil Aa Jaye,

Manzil K Liye Do Gaam Chalon,

Aur Samne Manzil Aa Jaye......!