La Phir Ek Bar Wohi Bada-O-Jam Aye Saqi Hath Aa jaye Mujhe Mera Maqaam Aye Saqi

 

Poet Dr Allama Iqbaal 

 

Type By 

*._Ayaz_Khan_.* 

 

La Phir Ik Baar Wohi Bada-O-Jaam Aye Saqi

Hath Aa jaye Mujhe Mera Maqaam Aye Saqi,

Teen So Saal Se Hain Haind Ke Maykhane Band,

Ab Munasab Hai Tera Faiz Ho Aam Aye Saqi,

Meri Meena-E-Ghazal Mein Thi Zara Si Baqi,

Sheikh Kehta Hai Ke Hai Ye Bhi Haraam Aye Saqi,

Sher Mardon se Howa Besha-E- Tehqeeq Tahi,

Reh Gaye Sufi-O-Mulla Ke Ghulam Aye Saqi,

Ishq Ki Tegh Jiger Daar Ura Li Kis Ne,

Elam Ke Hath Mein Khali Hai Naiyam Aye Saqi,

Seena Roshan Ho

To Soz-E-Sukhan Ain-E-Hayat,

Ho Na Roshan To Sukhan Marg-E-Dawam Aye Saqi,

Too Meri Raat Ko Mahtab Se Mehroom Na Rakh,

Tere Paimanay Main Hai Mah-E- Tamam Aye Saqi........!

Book:

Baal e Jibraeel

Page: 13 to 14