Maktabon Mein Kahin Ranai-E-Afkaar Bhi Hai

 

Poet Dr Allama Iqbal 

 

Maktabon Mein Kahin Ranai-E-Afkaar Bhi Hai,

Khanqahon Mein Kahein Lazat-E-Asraar Bhi Hai,

Manzil-E-Rahrawan Door Bhi, Dushwar Bhi Hai,

Koi Is Qafle Mein Qafla-E-Salaar Bhi hai,

Barh Ke Khayber Se Hai Ye Maarka-E-Deen-O-Watan,

Is Zamane Mein Koi Haidar-E-Karaar Bhi Hai,

Elam Ki Had Se Pare, Banda-E-Momin Ke Liye,

Lazzat-E-Shauq Bhi Hai, Naimat-E-Didaar Bhi Hai,

Peer-E-Maikhana Ye Kehta Hai Ke Aiwan-E-Farang,

Sust Bunyaad Bhi Hai, Aaina Diwaar Bhi Hai.......!

Book:

Baal e Jibraeel

Page: 55