Meri Sochain Badalti Ja Rahi Hain K Ye Cheezein Badalti Ja Rahi Hain

 

Poet Amjid Islam Amjid 

 

Meri Sochein Badalti Ja Rahi Hain,

K Ye Cheezein Badalti Ja Rahi Hain,

Tamasha Aik Hai Roz-E-Azal Se,

Faqt Aankhain Badalti Ja Rahi Hain,

Badalti Manzaron K Aaine Mein,

Teri Yadain Badalti Ja Rahi Hain,

Agar Che Hai Wohi Phande Purane,

Magar Girhain Badalti Ja Rahi Hain,

Dilon Se Jorti Thein Jo Dilon Ko,

Wo Sab Rasmein Badalti Ja Rahi Hain,

Adhoori Na Mukamal Khawahishein Kion,

Nai Shaklein Badalti Ja Rahi Hain,

Agar Manzil Wohi Hai Rahion Ki,

To Kion Rahein Badalti Ja Rahi Hain,

Najane Kion Mujhe Lagta Hai AMJID,

K Wo Nazrein Badalti Ja Rahi Hain.................!

Page 16,17