Qaid Mein Guzre Gi Jo Umar Bare Kaam Ki Thi

 

Poetess Parveen Shakir 

 

Qaid Mein Guzre Gi Jo Umar Bare Kaam Ki Thi,

Par Main Kia Karti K Zanjeer Tere Naam Ki Thi,

Jis K Maathe Pe Mere Bakht Ka Tara Chamka,

Chand K Doobne Ki Bat Usi Shaam Ki Thi,

Main Ne Hathon Ko Hi Patwar Banaya Warna,

Aik Tooti Hoi Kashti Mere Kis Kaam Ki Thi,

Wo Kahani K Abhi Soiyan Nikli Bhi Na Thein,

Fikar Har Shakhs Ko Shazadi K Anjam Ki Thi,

Ye Hawa Kaise Urra Le Gai Aanchal Mera,

Youn Satane K To Aadat Mere Ghansham Ki Thi,

Bojh Uthaye Howay Phirti Hai Humara Ab Tak,

Aye Zameen Maaan!

Teri Ye Umar To Aaram Ki Thi.............!

Page 230,231