Bulaya Agar Main Ne Aain Gay Kia? Meri Bat Wo Maan Jain Gay Kia?

Poet Naseer-O-Deen Naseer 

Bulaya Agar Main Ne Aain Gay Kia?

Meri Bat Wo Maan Jain Gay Kia?

Humari Wafain Bhulain Gay Kia?

Humain Khoin Gay Wo To Pain Gay Kia?

Naya Koi Fitna Uthain Gay Kia?

Humain Aap Phir Aazmain Gay Kia?

Unhain Aur Jhagron Se Fursat Kahan,

Mere Dil Mein Wo Ghar Banain Gay Kia,

Khizan Jin Ki Qismat Mein Likhi Gai,

Gulistan Mein Wo Muskarain Gay Kia?

Tumhi Se Humain Kon Sa FAIZ Hai,

Kisi Aur Se Dil Lagain Gay Kia?

Nahi Jin Pe Chashm-E-Karam Aap Ki,

Wo Meri Nazar Mein Samain Gay Kia,

Nazakat Qadam Uthne Deti Nahi,

Mere Ghar Bhala Aap Aain Gay Kia?

Hum Un Ki Adaon Pe Khud Mar Mitte,

Sataye Howon Ko Satain Gay Kia?

Laho Khushk Dil Khushk Dam Khushk Hai,

Hum Aankhon Se Aanson Bahain Gay Kia,

NASEER Ehl-E-Dil Ka Bharam Hai Abhi,

Unhain Dekh Kar Mar Na Jain Gay Kia...!