Han Rahi Hai Roo Ba Roo Rangeen Bahar Kitne Nazare Hain

 

Poet Jaan Nisar Akhtar

     UJRRA_DIL

 

Hans Rahi Hai Roo-Ba-Roo Rangeen Bahar,

Kitne Nazare Hain Janat Dar Kinar,

Rasta Takti Hai Kab Se Raah Guzaar,

Murr K Daikhta Hon Bar Bar,

Aa Gaya Hon Door Kis Ko Chorr Kar ?

Chup Kharra Hon Zindagi K Morr Par,

Jane Kis Ka Hai Abhi Tak Intzar ?

Kitne Honton Par Hai Ahd Dil Nasheen,

Muntzir Hain Kitne Aaghosh-E-Haseen,

Barrh Rahe Hain Kitne Dast-E-Nazneen,

Mujh Ko Laikin Hai Na Jane Kaya Yaqeen,

Reh Gai Hai Jam K Ik Janib Nazar,

Chup Kharra Hon Zindagi K Morr Par,

Jane Kis Ka Hai Abhi Tak Intzar ?

Ho Chuki Hain Gul Ufaq Ki Surkhiyan,

Teergi Hai Karwaan Dar Karwaan,

Bujh Gaya Ho Jaise Nazaron Mein Jahan,

Kuch Nahi Ma'aloom Jana Hai Kahan ?

Zulmaton Mein Kho Gai Hai Raah Guzar,

Chup Kharra Hon Zindagi K Morr Par,

Jane Kis Ka Hai Abhi Tak Intzar..............?
.
Page 66 67