Kon Kehta Hai K Mout Aai To Main Mar Jaon Ga Main To Daria Hon

 

 

Poet Ahmad Nadeem Qasmi

Kon Kehta Hai K Mout Aai To Mar Jaon Ga?

Main To Daria Hon Samandar Mein Utar Jaon Ga,

Tere Pehlo Se Jo Uthon Ga To Mushkil Ye Hai,

K Sirf Ek Shakhs Ko Paon Ga Jidhar Jaon Ga,

Ab Tere Shehr Mein Aaon Ga Musafir Ki Tarha,

Saya-E-Abar Ki Manind Guzar Jaon Ga,

Tera Paimana-E-Wafa Rah Ki Diwar Bana,

Warna Socha Tha K Jab Chahon Ga Mar Jaon Ga,

Chara Sazon Se Alag Hai Mera Mayar K Mein,

Zakham Khaon Ga To Kuch Aur Sanwar Jaon Ga,

Ab To Khursheed Ko Doobe Howay Sadian Guzari,

Ab Usay Dhoondne Mein Ta Ba Sahar Jaon Ga,

Zindagi Shama Ki Manid Jalata Hon Nadeem,

Bujh To Jaon Ga Magar Subha To Kar Jaon Ga........!