Aa Gaiyn Chal K Hawain Tere Dewany Tak,Ab Yahi Le K Chalen Gi Usay Maikhany Tak

Poet:Naseer-U-Din Naseer

Aa Gaiyn Chal K Hawain Tere Dewany Tak,

Ab Yahi Le K Chalen Gi Usay Maikhany Tak

 

Koi Cherhy Na Mujhe Ahd-e-Bahar Aany Tak,

Main Pohunch Jaon Ga Khud Jhoom K Maikhany Tak

 

Aa K Khud Raqs Kia Karta Hai Jal Jany Tak,

Shamma-e-Sozan'n Kabhi Jati Nahi Parwany Tak

 

Aana Jana To Hai Waiz ! Mere Kashany Tak,

Aik Din Aap Chalay  Aao Gy Maikhany Tak

 

Ab Naqahat Ka Ye Aalam Hai Keh Utthay Nahi Haath,

Sirf Nazren Hi Pohunch Sakti Hain Paimany Tak

 

Is Karhe Waqt Main Ahbab Na Kaam Aain Gy,

Tashnagi De Gi Sahara Mujhe Maikhany Tak

 

Dhayan Zahid Ka Khuda Tak Kisi Soorat Na Gaya,

Dastras Thi Usy Tasbeeh K Har Daany Tak

 

Tujh Ko Bholy Se Bhi Main Sakon ! Na Mumkin,

Ye Ta'aluq To Rahy Ga Mere Mar Jany Tak

 

Dil Pe Aalam Ye Ghutan Ka,Ye Saba K Ghamzy,

Dekhiye Kia Ho,Teri Zulf K Lehrany Tak

 

Raah Dushwar Nahi,Sang Nahi,Khaar Nahi,

Mutmain Ho K Wo Aaein Mere Kashany Tak

 

Tum To Apny Thy,Na Thi Tum Se Ye Umeed Humain,

Koi Marta Ho,To Aa Jaty Hain Be-gany Log

 

Aaj Kal Be-Khudi-e-Shoq Ka  Aalam Hai Ajeeb,

Kahiin Main Aap Na Kho Jaon Tujhe Pany Tak

 

Mout Barhaq Hai,Magar Aakhiri Khuwahish Ye Hai,

Sans Chalti Rahy Meri,Tere Aajany Tak

 

Baat Karni Hai Nakireen Se Tanha Sab Ko,

Saath Rehty Hain Ye Ahbab To Dafnany Tak

 

Masnad-e-Peer-e-Mughan Door Buhat Hai Mujh Se,

Haath Utth Kar Bhi Pohunchty Nahi Paimany Tak

 

Qadam Utthy Nahi,Ab Dughaf Ka Aalam Hai NASEER, 

Koi Le Jai Mujhe Thaam K Maikhany Tak

**********NOMI**********