Aaj Ik Ik Badakash Masroor Maikhany Main Hai,Taza Taza Is K,Us K,Sab K Paimany Main Hai

Poet:Naseer-u-Din Naseer

Aaj Ik Ik Badakash Masroor Maikhany Main Hai,

Taza Taza Is K,Us K,Sab K Paimany Main Hai

 

Sheikh Jal Uthay Ga Tou ! Wo Shuola Maikhany Main Hai,

Maiy Nahi Ye,Ik Dhakti Aag Paimany Main Hai

 

Apna Deewana Bana Laita Hai Saari Khalq Ko,

Ik Ada-e-Khas Aisi Un K Deewany Main Hai

 

Der Botal K Uthany Main Lagy Gi Kuch Na Kuch,

Mujh Ko Utni Hi Buhat Hai Jitni Paimany Main Hai

 

Maikady Main Aany Walo ! Maikada Mat Chorhna,

Marny Jiny Ka Maza Kuch Hai,To Maikhany Main Hai

 

Pi Raha Hon,Ji Raha Hon,Shaad Hon,Masroor Hon,

Zindagi Hi Zindagi Labraiz Paimany Main Hai

 

Dil Ki Be-Kaifi Ka Ye Aalam Howa Bad-e-Janoon,

Lutaf Jeeny Ka Na Gulshan Main,Na Veerany Main Hai

 

Dhiyan Hai Aahat Pe,Hasrat-e-Dil Main HaiAankhon Main Dum,

Hum Chaly Dunya Se,Unko Der Agr Aany Main Hai

 

Jaag Utthi Qismat,Muqadar Jagmaga Uttha NASEER,

Jalwah Farma Aaj Koi Mere Kashany Main Hai

**********NOMI**********