Bahasain, Na Gawah Chahta Hon,Mujrim Hon,Saza Chahta Hon

Poet: Naseer-u-Din Naseer

Bahasain, Na Gawah Chahta Hon,

Mujrim Hon,Saza Chahta Hon

Jab Khatam Ho Mere Sanson Ki Ruo,

Tum Ko Sar-e-Rah Chahta Hon

Nazara-e-Mah-o-Shann Se Pehly,

Tatheer-e-Nigah Chahta Hon

Aoron K Karam Mujhe Gawara,

Apnon Se Panah Chahta Hon

Takmeel-e-Wafa Pe Zid Se Hasil?

Kion Khud Ko Tabah Chahta Hon

Ik Tum, Keh Churha Rahy Ho Daman,

Ik Main,Keh Nibah Chahta Hon

Hain Naqsh-e-Qadam Jahan Tumhare,

Taron Main Woh Raah Chahta Hon

Jo Sirf Mere Liye Uthi Ho,

Wo Ik Nigaah Chahta Hon

Tu Ne Mujhe Aj Tak Na Chaha,

Phir Bhi Tujhe Aah! Chahta Hon

Jis Par Tere Qurb Ka Ho Aanchal,

Wo Shaam-e-Siyah Chahta Hon

Tum Mujh Se Nibah Kia Karo Gy,

Main Tum Se Nibah Chahta Hon

Ho Jis Pe Nazar Qalandaron Ki,

Sir Par Wo  Kulah Chahta Hon

Ab Silsila-e-Karam Na Tooty,

Bas Rabt-e-Nigah Chahta Hon

Aor Un Se NASEER Kia Kahon Main,

Daman Main Panah Chahta Hon...

**********NOMI**********