Hamain Jab Keh Apna Bana Liya To Hai Rabat Kis Liye Hum Se Kam

Poet:Naseer-U-Din Naseer

Hamain Jab Keh Apna Bana Liya 

To Hai Rabat Kis Liye Hum Se Kam

Ye Hijab Kia,Ye Guraiz Kiuon,

Rahain Samny To Wo Kam se Kam

Gham-e-Aarzo,Gham-e-Justajo,

Gham-e-Imtehan,Gham-e-Jisam-o-Jaan

Meri Zindagi Ki Basaat Kia,

Meri Zindagi To Hai Gham Se Kam

Ye Muqam-e-Naz-o-Niaz Hai,

Mira Dil Hi Muhram-e-Raaz Hai

Wo Nawazty Hain Ba-Maslahat 

Humain Iltefat-o-Karam Se Kam

Tere Aastan Ka Faqeer Hon,

Magar Aap Apni Nazeer Hon

Meri Shan-e-Faqar Jahan Main Na Mily Gi,

Shaukat-e-Jam se kam

Ye Kaha Gaya,Ye Suna Gaya,

Ye Likha Gaya,Ye Parha Gaya

Na Jafa Hoi Kabhi Tum Se Kam,

Na Wafa Hoi Kabhi Hum Se Kam

Wahi Nisbatain,wahi Rifa'atain,

Wahi Ronaqain,Wahi Azmatain

Mere Dil Main Jab Se Hain Wo Makeen,

Nahi Ye Makan Bhi Haram Se Kam

Tere Aabroun Ki Haseen Kaman'n,

Nazar Aa Rahi Hai Falak Nishan'n

Na Karishmah Qos-e-Quza Se Kam,

Na Kashish Hilal ke Kham Se Kam

Na Sata Mujhe,Na Rula Mujhe,

Nahi Aur Tab-e-Jafa Mujhe

Keh Meri Mata'a-e-Shakeeb Hai,

Teri Kaainat-e-Sitam Se Kam

Na Karam Hai Kam Sar-e-Anjuman

 Keh Pilai Us Ne Maiy-e-Sukhan

Mujhe Paas Apny Bula Liya,

Rahi Baat Meri To Kam Se Kam

Nahi Jis Main Teri Tajalliyan,

Use Janchti Hai Nazar Kahan

Tere Noor Ka Na Zahoor Ho,

To Wajood Bhi Hai Aadum Se Kam

Kabhi Iniakaas-e-Jamal Hai,

Kabhi Aain-e-Shai Ki Misaal Hai

Nahi Mere Dil Ka Mua'amila,

Kisi Aainy K Bharam Se Kam

Mah-o-Aaftab-o-Najom Sab,

Hain Zia Fagan,Nahi Is Main Shak

Hai Musalam In Ki Chamak-o-Damak,

Magar Unky K Naqsh-e-Qadam Se Kam

Yahi Aarzoo,Yahi Mudda'a,

Kabhi Waqt Ho To Sunain Zara

Meri Dastan-e-Hayat-e-Gham 

Jo Likhi Gai Hai Qalam Se Kam

Ye NASEER Daftar-e-Raaz Hai,

Ye Ghubar-e-Raah-e-Niaz Hai

Karen Is Pe Ahl-e-Jahan Yaqeen,

Nahi Iska Qaol, Qasam Se Kam............! 

**********NOMI**********