Silsila Tooty Na Saaqi Hosh Ur Jany K Baad,Mujh Ko Milta Hi Rahy Paimana, Paimany K Baad

Poet:Naseer-u-Din Naseer

Silsila Tooty Na Saaqi Hosh Ur Jany K Baad,

Mujh Ko Milta Hi Rahy Paimana, Paimany K Baad

 

Kho Diya Dunya Main Jo Kuch Tha,Tujhe Paany K Baad,

Jaan Se Jana Para Humko,Tere Aany K Baad

 

Tuo Hi Tha Wo Shamma Jis Ki Roshni Thi Har Taraf,

Rang Mehfil Main Kahan Ab Tere Utth Jany K Baad

 

Jao Bheto Chain Se Main Kia Kahon,Tum Kia Suno,

Ab Pashemani Se Kia Hasil,Sitam Dhany K Baad

 

Iska Kia Kihna ! Zahid K Thikany Hain Buhat,

Ye Kisi Masjid Main Ja Bhetay Ga Maikhanay K Baad

 

Shamma-e-Mehfil Roye Ya Hans Kar Guzaray Subah Tak,

Kon Ab Jalny Yahan Aay Ga Parwany K Baad

 

Husn-e-Rukh Ki Ik Jhalak Ny Kar Diye Aosan Gum,

Hosh Aaya To Magar Unky Chaly Jaany K Baad

 

Sach Hy Koi Bhi Shareek-e-Gham-o-Dard Hota Nahi,

Ho Gy Ahbab Rukhsat Mujh Ko Samjhany K Baad

 

Ab To Kehty Ho Keh  Ja ! Meri Nazar Se Door Ho,

Tum Manany Ao Gy Mujh Ko,Mere Jaany K Baad

 

Taair-e-Dil ! Khaal To Dekha,Kham-e-Gasoo Bhi Dekh,

Daam Bhi Tujh Ko Nazar Aa Jai Ga Dany K Baad

 

Wahshat-e-Dil Ki Badolat Hum Chaly Aai Yahan,

Dekhiye Ab Konsi Manzil Hy Weerany K Baad

 

Kon Rota Hy Kisi Ki KhastaHaaly Par NASEER, 

Zer-e-Lub Hasti Hy Dunya,Mere Lut Jany K Baad

**********NOMI**********