Aur Chupke Chupke Ro Lena,

 

AUR CHUPKE CHUPKE RO LENA

 

Jab Seena Gham Se Bojhal Ho,

Aur Yaad Kisi Ki Aati Ho,

Tab Kamre Mein Band Ho Jana,

Aur Chupke Chupke Ro Lena,

Jab Aankhen Baaghi Ho Jaein,

Aur Yaad Mein Meri Bhar Aaein,

Phir Khud Ko Dhoka Mat Dena,

Aur Chupke Chupke Ro Lena,

Jab Palken Karb Se Mondi Hon,

Aur Sab Samjhen Tum Soi Ho,

Tab Monah Pe Takiya Rakh Lena,

Aur Chupke Chupke Ro Lena,

Ye Dunya Zaalim Dunya Hai,

Ye Baat Buhat Phelai Gi,

Tum Saamne Sab Ke Chup Rehna,

Aur Chupke Chupke Ro Lena,

Jab Barish Chehra Dho Daale,

Aur Ashk Bhi Bonden Lagti Hon,

 Wo Lamhe Hargiz Mat Khona,

Aur Chupke Chupke Ro Lena,