Manzar Hai Wohi Thathak Rahi Hoon, Hairat Se Palak Jhapak Rahi Hoon

 

Poetess:Parveen Shakir

Type By

*.__NOMI__.*

Manzar Hai Wohi Thathak Rahi Hoon,

Hairat Se Palak Jhapak Rahi Hoon

Ye Tuo Hai Keh Maira Wehem Hai !

Band Aankhon Se Tujh Ko Tak Rahi Hoon

Jaisay Keh Kabhi Na Tha Ta'aruf,

Yun Miltay Howe Jhijak Rahi Hoon

Pehchaan ! Main Teri Roshni Hoon,

Aor Teri Palak Palak Rahi Hoon

Kiya Chain Mila Hai----Sir Jo Iske

Shanon Pe Rakhay Sisak Rahi Hoon

Pathar Pe Khili,Keh Chasham Gul Main

Kaantay Ki Tarah Khatak Rahi Hoon

Jugnoo Kahin Thak Ke Gir Chuka Hai

Jungal Main Kahan Bhatak Rahi Hoon

Gur'rya Meri Soch Ki Chhanni Kiya

Bachi Ki Tarah Bilak Rahi Hoon

Ik Umar Howi Khud Se Lar'rtay

Andar Se Tamam Thak Rahi Hoon

Rus Phir Se Jar'ron Main Ja Raha Hai

Main Shakh Pe Kab Se Pak Rahi Hoon

Takhleeq-E-Jamaal-E-Fun Ka Lamha !

Kaliyon Ki Tarah Chatakh Rahi Hoon.........!

 

**********NOMI**********