Muhabbat Kam Nahin Hoti Ham Aksar Ye Samajhte Hein

Muhabbat Kam Nahin Hoti,

Ham Aksar Ye Samajhte Hein

Jise Ham Pyar Karte Hein

Use Ham Chhor Sakte Hein

Magar Aysa Nahin Hota

Muhabbat Daaimi Sach Hai

Muhabbat Thaher Jaati Hai

Hamari Baat Ke Andar

Hamari Zaat Ke Andar

Magar Ye Kam Nahin Hoti

Kisi Bhi Dukh Ki Surat Mein

Kabhi Koi Zarurat Mein

Kabhi Anjaan Se Gham Mein

Hamari Aankh Ke Andar

Kabhi Aab-e-RawaN Ban Kar

Kabhi Qatre Ki Surat Mein

Muhabbat Thaher Jaati Hai

Ye Hargiz Kam Nahin Hoti............?