Naseeb Aazmane Ke Din Aa Rahe Hain

 

Poet Faiz Ahmad Faiz

Type By

*._Ayaz_Khan_.*

 

Naseeb Aazmane Ke Din Aa Rahe Hain,

Qareeb Un Ke Aane Ke Din Aa Rahe Hain,

Jo Dil Se Kaha Hai Jo Dil Se Suna Hai,

Sab Un Ko Sunane Ke Din Aa Rahe Hain,

Abhi Se Dil-O-Jaan Sar-E-Rah Rakh Do,

Ke Lutne Lutane Ke Din Aa Rahe Hain,

Tapakne Lagi Un Nigahon Se Masti,

Nigahain Churane Ke Din Aa Rahe Hain,

Saba Phir Humain Poochti Phir Rahi Hai,

Chaman Ko Sajane Ke Din Aa Rahe Hain,

Chalo FAIZ Phir Se Kahin Dil Lagain,

Suna Hai Thikane Ke Din Aa Rahe Hain...!

Book
Naqsh e Faryadi

Page No, 87