Jeevan Ko Dukh,Dukh Ko Aag Aur Aag Ko Paani Kehte Bache Lekin Soye Hove Thay Kis Ko Kahani Kehte

Jeevan Ko Dukh,Dukh Ko Aag Aur Aag Ko Paani Kehte

Bache Lekin Soye Hove Thay Kis Ko Kahani Kehte

Sach Kehne Ka Hosala Tum Ne Cheen Lia Hai  Warna

Sheher Main Phaili Veerani Ko Sab Veerani Kehte

Waqt Guzarta Jata Aur Ye Zakham Harey Rehte To

Bar'ri Hifazat Se Rakhi Hai Teri Nishaani Kehte

Wo To Shayed Dono Ka Dukh Aik Jaisa Tha Warna

Hum Bhi Pathar Marte Tujh Ko Aur Deevani Kehte

Tabdeeli Sachayi Hai Is Ko Mante Lekin Kaise

Aayine Ko Dekh Ke Ik Tasveer Puraani Kehte

Tera Lehja Apnaya Ab Dil Mein Hasrat Si Hai

Apni Koi Baat Kabhi To Apni Zubaani Kehte

Chup Reh Kar Izhaar Kia Hai Keh Sakte To "ANEES"

Aik Alaheda Tarz-e-Sukhan Ka Baani Kehte.........!

 

**********NOMI**********