Tahzeeb Be-Naqaab Ki Aankhein Nikaal Do Us Quam K Shabbaab Ki Aankhein Nikaal Do

Poet:Saghar Siddiqui

Tahzeeb Be-Naqaab Ki Aankhein Nikaal Do
Us Quam K Shabbaab Ki Aankhein Nikaal Do

Jis Ki Sada Nay Waqt Ko Baidar Kar Diya
Us Sahib-e-Kitaab Ki Aankhein Nikaal Do

Ab Manzil-e-Wafa Ki Zaroorat Nahi Rahi
Har Azam-e-Kamyaab Ki Ankhein Nikaal Do

Jis Nay Sama'aton Ko Diya Dars-e-Be-Khodi
Us Naghma-e-Rabbab Ki Aankhein Nikaal Do

Jis Main Na Ho Baseerat-e-Insan Ki Chaandni
Us Sheesha-e-Sharaab Ki Aankhein Nikaal Do

Makhmoor Gaisowon Ki Ghataon Ka Wazan Hai
Pur Noor Mehtaab Ki Aankhein Nikaal Do

SAGHAR Nikhar Sakay Na Jahan Nighat-e-Khodi
Us Qariya-e-Gulaab Ki Aankhein Nikaal Do..........!