Biphri mojain, door sahil, ik sahara chahiye, Aandhiyon main ghir geya hoon, ab kinara chahiye

Biphri mojain, door sahil, ik sahara chahiye,
Aandhiyon main ghir geya hoon, ab kinara chahiye,

Doobney waley ko ik harf-e-tassali tha bohat,
Doobney waley ko tinkey ka sahara chhaiye,

Larr na paaon ga ke dunya bhar ke gham hain samney,
Sath mujh tanhaa ko ab har dam tumhara chahiye,

Kis ko ho gi jaan ki parwaah phir aye jaan-e-jaan,
Ik zara bass teri nazron ka ishara chahiye,

Ishq hai deewangi ka naam dooja dosto,
Jis ko chahain har gharri uss ka nazara chahiye..