Us ki chahat ki chandni ho gi, Khoobsorat si zindagi ho gi

 

Poet:Bashir Badar

Us ki chahat ki chandni ho gi,
Khoobsorat si zindagi ho gi,

Ek larki bohat sey phool liye,
Dil ki dehleez par khari ho gi,

Chahey jitney charagh gul kar do

  Us key ghar roshni to ho gi,

Neend tarsey gi meri ankhon me,
Jab bhi khawbon sey dosti ho gi,

Hum bohat door they magar tum ney,
Dil ki awaz to suni ho gi,

Sochta hun key wo kahan ho gi,
Kis key angan me chandni ho gi.

 

**********NOMI**********