Mere lehje mein jo aansoo se utar aye hain Kitne barson ke sitam aankh main dar aye hain

 

Poet:Wasi Shah

Mere lehje mein jo aansoo se utar aye hain

Kitne barson ke sitam aankh main dar aye hain

Tum gaye they to ye dehleez na dekhi thi kabhi

Aaj tum aaye to hum laot ke ghar aaye hain

Jaane tanbeeha ki dhamki ke basharat hai koi

Mere aangan mein jo tootay huye par aaye hain

Ab hamain khauf hai jeeney ka na mar mitne ka

Teri chokhat se jo aye hain to mar aye hain.......!