Meri ankhon k samandar mein jalan kaisi hai Ajj phir dil ko tarapane ki lagan kaisi hai

 

Poet:Wasi Shah

Meri ankhon k samandar mein jalan kaisi hai

Ajj phir dil ko tarapane ki lagan kaisi hai

Ab kisi chat pe charaghon ki qataren bhi nahin

Ab tere sheher ki galiyon me ghathan kaisi hai

Baraf k roop mein dhal jaen ge saare rishate

Mujh se pocho k mohabbat ki agan kaisi hai

Mein tere wasal ki khuwahish ko na marane don ga

Mosam-e-hijar k lehje mein thakan kaisi hai

Regazaron mein jo banti rahi kanton ki rida

Uss ki majboor si ankhon mein kiran kaisi hai

Mujhe masoom si larki pe taras ata hai

Isi daikho to mohabbat mein magan kaisi hai.........!