Poet:Suhail Kakorvi
Type By
*.__NOMI__.*
Main Ne Kaha Khayaal-E-Wasl,Us Ne Kaha Keh Khuwaab Hai
Main Ne Kaha Farogh-E-Husn,Us Ne Kaha Hijaab Hai
Main Ne Kaha Keh Baat Maan Chehre Ko Be-Naqaab Kar
Us Ne Kaha Keh Zid Na Kar Deed Ki Tujh Ko Taab Hai?
Main Ne Kaha Kharaab Hoon Gardash-E-Chashm-E-Mast Se
Us Ne Kaha Ke Raqs Kar Saara Jahan Kharaab Hai
Main Ne Kaha Keh Khabar Nahin Kyun Tujhe Kainaat Ki
Us Ne Kaha Shabaab Ki Kaifiyat-E-Shabaab Hai
Main Ne Kaha Sukoon Nahin Gham Ki Siyaah Raat Mein
Us Ne Kaha Keh Fikar Kya,Jaam Hai Sharaab Hai
Main Ne Kaha Keh Ishq Ka Tum Ko Bhi Kuch Hai Tajruba
Us Ne Kaha Keh Ishq Kya,Ishq To Lajawaab Hai
Main Ne Kaha Keh Khuwaab Main Dekhe Hain Gaiso-E-Haseen
Us Ne Kaha Keh Zindagi Ab Teri Peech-O-Taab Hai
Main Ne Kaha "SUHAIL" Se Raaz-O-Niaz Khoob Hain
Us Ne Kaha Suhail Ka Ishq Hi Kaamyaab Hai................!
.jpg)
Comments
Post a Comment